Transcription

Monsieur, je vous avoys escript sur trois foys, lesdeux messagiers ayans

esté saisis par les rebelles et l’aultre navons peu savoyr sil

est mort ou vif. Je croy quavés esté adverty de la prinse du château

d’Avansson que fust le IIIIe du present, en le abrevant de parolles à mielles

leur disant quilz ne voliont fère que passer, leur bailhant des

vivres comme les aultres foys et voyant leur point gaignarent

lesglize et mirent le feu à la porte et ceux questiont au

clochier sescandalizarent et se randirent, et ceux du château en firent

bien tost après de mesmes. Quest ung grand interetz en se pays,

nous teinant le passage d’Ambrun et de Briançon fermé en se pays

et si je nusse mandé des soldatz à Jargayes, il estoyt bien grand

dangier quilz nussent faict autant. Ung mien sergent y fust

tué mès ilz les repoulçarent valhamant, Les païsans dudit lieu

sont dung très maulvès acort aveq celuy que leur avés bailhé

pour coumander estant maniés pour madame de Jargayes quest

seur de monsieur de Monbrun, que tache pour tous mouiens

d’y metre divorce et metre les rebelles dedans. Je nay point heu

des lestres que me faysiés responce pour monsieur l’auditheur Faure

car à son retour, ayant heu passeport de monsieur Desdiguières et

Champolion et luy ayant faict bonne chière dans sa maison, ilz le

firent prisonier à demy lieue de là et monsieur de Challol et prindrent

tous ses papiers, quest ung grand preiudice à cause de la mostre

des pouvres soldatz ; et pour navoyr heu l’inteligense de vous

commandementz, nous assayerons de nous garder le mieux que

nous pourrons aveq layde de Dieu. Les rebelles firent leur mostre

tant à Chorge que à Mentz, Orpièrre, Serres, et sont en nombre

tant bons que mauvès de sèze centz. Ceux que Ferrier et

Estoublon commandent partirent jeudy passé et san alarent loger

à Beaurieres,

[barré : Lech]

Leches, Valdroume. Ceux de Champssaur et de

se pays partirent yer et san alarent coucher [à] Aspre et ainsi

[30B]

que jay entandu, il say desrobbé beaucoup de ses belistres que

sestiont mitz avez heux pour desrober. Ilz ont faict leur

testement avant que partir comme silz san aliont morir.

Ilz ruinent par tout là où ilz pacent comme silz ne debviont

jamais retourner et ont faict des violances et cruaultés

plus grandes que lon eye jamais houy parler et principallement

du cousté des Amergues, Heaurres et Sallarans, ayant prins

les fammes et filhes par force les tuer, sont chouses espouvantables

à hoyr les plaintes du pouvre peuple et les mizères quil

souffre. Dieu nous oustera telle misère quant cognoistra

que nous serons amandés. Ceux de Vitrolle ont faict

cottés aux vilages dautour deux, se quilz nauront jamais

faict et cella faict par ung nommé Buisson qui commande audit

chateau pour le baron d’Allemaigne. Lesdits rebelles atandiont des

forces que ledit baron debvoyt amener mais jay heu advis de

sieur Carlo de Virague quil na rien peu fère en se pays là et

a fallu quil san soyt allé en poste à Genefve, passant par la val

d’Hoste. A Serre, aviont gecté troyz piesses mais ne ny a heu

quune quaye rien valu quest ung cart de canon et en le

prouvant, il a tué ou estroupié de XV à XX perssonnes que le

filz de la fame de Ferrier est ung des mortz. Au retour

quilz firent de se pays ou della Durance, ilz ont porté audit

Serre troys centz quintalz de metal de clocher, disant quilz veulent

fère troys piesses de baterie. Jespere que Dieu aveq votre ayde y aura

proveu debvant que cella soyt parachevé ; pour vous fère

entandre les affères au loing me cause destre prolixe à mon

grand regret, vous suppliant recepvoyr mes très humbles

à votre bonne grace, priant Notre Seigneur vous donner,

monsieur, en parfaicte santé, longue hereuse vie. De Gap, se XVe mars

1574

Votre plus humble à vous fère service

Laborel

Texte diplomatique

[1] Monsieur, je vous avoys escript sur trois foys, lesdeux messagiers ayans [2] esté saisis par les rebelles et l’aultre navons peu savoyr sil [3] est mort ou vif. Je croy quavés esté adverty de la prinse du château [4] d’Avansson que fust le IIIIe du present, en le abrevant de parolles à mielles [5] leur disant quilz ne voliont fère que passer, leur bailhant des [6] vivres comme les aultres foys et voyant leur point gaignarent [7] lesglize et mirent le feu à la porte et ceux questiont au [8] clochier sescandalizarent et se randirent, et ceux du château en firent [9] bien tost après de mesmes. Quest ung grand interetz en se pays, [10] nous teinant le passage d’Ambrun et de Briançon fermé en se pays [11] et si je nusse mandé des soldatz à Jargayes, il estoyt bien grand [12] dangier quilz nussent faict autant. Ung mien sergent y fust [13] tué mès ilz les repoulçarent valhamant, Les païsans dudit lieu [14] sont dung très maulvès acort aveq celuy que leur avés bailhé [15] pour coumander estant maniés pour madame de Jargayes quest [16] seur de monsieur de Monbrun, que tache pour tous mouiens [17] d’y metre divorce et metre les rebelles dedans. Je nay point heu [18] des lestres que me faysiés responce pour monsieur l’auditheur Faure [19] car à son retour, ayant heu passeport de monsieur Desdiguières et [20] Champolion et luy ayant faict bonne chière dans sa maison, ilz le [21] firent prisonier à demy lieue de là et monsieur de Challol et prindrent [22] tous ses papiers, quest ung grand preiudice à cause de la mostre [23] des pouvres soldatz ; et pour navoyr heu l’inteligense de vous [24] commandementz, nous assayerons de nous garder le mieux que [25] nous pourrons aveq layde de Dieu. Les rebelles firent leur mostre [26] tant à Chorge que à Mentz, Orpièrre, Serres, et sont en nombre [27] tant bons que mauvès de sèze centz. Ceux que Ferrier et [28] Estoublon commandent partirent jeudy passé et san alarent loger [29] à Beaurieres,

[barré : Lech]

Leches, Valdroume. Ceux de Champssaur et de [30] se pays partirent yer et san alarent coucher [à] Aspre et ainsi [31] [30B] [32] que jay entandu, il say desrobbé beaucoup de ses belistres que [33] sestiont mitz avez heux pour desrober. Ilz ont faict leur [34] testement avant que partir comme silz san aliont morir. [35] Ilz ruinent par tout là où ilz pacent comme silz ne debviont [36] jamais retourner et ont faict des violances et cruaultés [37] plus grandes que lon eye jamais houy parler et principallement [38] du cousté des Amergues, Heaurres et Sallarans, ayant prins [39] les fammes et filhes par force les tuer, sont chouses espouvantables [40] à hoyr les plaintes du pouvre peuple et les mizères quil [41] souffre. Dieu nous oustera telle misère quant cognoistra [42] que nous serons amandés. Ceux de Vitrolle ont faict [43] cottés aux vilages dautour deux, se quilz nauront jamais [44] faict et cella faict par ung nommé Buisson qui commande audit [45] chateau pour le baron d’Allemaigne. Lesdits rebelles atandiont des [46] forces que ledit baron debvoyt amener mais jay heu advis de [47] sieur Carlo de Virague quil na rien peu fère en se pays là et [48] a fallu quil san soyt allé en poste à Genefve, passant par la val [49] d’Hoste. A Serre, aviont gecté troyz piesses mais ne ny a heu [50] quune quaye rien valu quest ung cart de canon et en le [51] prouvant, il a tué ou estroupié de XV à XX perssonnes que le [52] filz de la fame de Ferrier est ung des mortz. Au retour [53] quilz firent de se pays ou della Durance, ilz ont porté audit [54] Serre troys centz quintalz de metal de clocher, disant quilz veulent [55] fère troys piesses de baterie. Jespere que Dieu aveq votre ayde y aura [56] proveu debvant que cella soyt parachevé ; pour vous fère [57] entandre les affères au loing me cause destre prolixe à mon [58] grand regret, vous suppliant recepvoyr mes très humbles [59] à votre bonne grace, priant Notre Seigneur vous donner, [60] monsieur, en parfaicte santé, longue hereuse vie. De Gap, se XVe mars [61] 1574 [62] Votre plus humble à vous fère service [63] Laborel

Lettre:	1636
Texte:
Ligne:
logged as :	Login First

Consultation

Transcription

Texte

MetaDonnées

Laisser un signalement sur le texte